༺ ལོ་རྟ་ལྟེ་གནས་སློབ་ཆུང་གི་དྲ་བར་ཕེབས་པར་དགའ་བསུ་ཞུ ༻ དེ་རིང་ནི་སྤྱི་ལོ 2019 ལོའི་ཟླ 10 ཚེས 19 རེས་གཟའ་སྤེན་པ་ཡིན། དྲ་གནས་ཉར་ཚགས།   གཙོ་ངོས་སུ་འགོད་པ།   
སྣ་འཛོམས།
གསར་འགྱུར།
སློབ་གསོ།
རྩོམ་རིགས།
   གཙོ་ངོས།» སྣ་འཛོམས།» པར་རེས་གསལ་བཤད། »སྣོད་བཅུད་ཆགས་ཚུལ།
པར་རེས་གསལ་བཤད།

  ཕ་གཞིས།
  དྭངས་གཙང་གི་འཇིག་རྟེན།
  སྣོད་བཅུད་ཆགས་ཚུལ།
  སེམས་ཀྱི་འཁྱེར་སོ།
  པོ་ཏ་ལ།
  འཚོ་བའི་རྟེན་གཞི།

སྣ་འཛོམས།
སྙན་འཇེབས་དབྱངས་ཀྱི་འགྱུར་ཁུགས།
མེ་ཏོག་སེར་ཆེན།
རྩོམ་རིག་དགའ་ཚལ།
སློབ་རའི་གསར་འགྱུར།
སློབ་ཁྲིད་རྒྱུ་ཆ།
སློབ་གསོའི་གླེང་སྟེགས།
བྱིས་པའི་འཇུག་ངོགས།
བརྩམས་ཆོས་གསར་བ།
  ༢༠༡༢༡༠༡༥པར་ངོས་ཁ
  ༢༠༡༢༡༠༡༥པར་ངོས་ཀ
  ༢༠༡༢༠༩༡༥པར་ངོས་ཁ
  ༢༠༡༢༠༩༡༥པར་ངོས་ཀ
  ༢༠༡༢༠༦༡༥པར་ངོས་ཁ
  ༢༠༡༢༠༦༡༥པར་ངོས་ཀ
  ནམ་མཁའི་སྐར་མ།
  ཐུན་སྒྲིལ་གྱི་རང་སྒྲ།
  གསོན་ཉམས་ལྡན་པའི་ཕ་ཡུལ།
  རྨི་ལམ་ནང་གི་ཡུམ་ཆེན།
  དྲིན་ཆེན་མ་ལོ༼གླུ་ཚིག༽
  བློ་གྲོས་ཀྱིས་བཏུལ་བ།
  རི་བོང་ཅལ་འདྲོགས།
  རུས་སྦལ་ས་ལ་ལྷུང་བ།
སྣོད་བཅུད་ཆགས་ཚུལ།
རྩོམ་སྒྲིག་པ།  ཕུན་ཚོགས།  སྤེལ་དུས།  2013-10-15 བལྟ་ཀློག (96)

སྣོད་བཅུད་ཆགས་ཚུལ། དམུ་དགེ་བསམ་ཏན། བདེན་གཏམ་ཆོས་ཀྱི་འོད་སྣང་འབུམ་བཀྱེ་བས།། རྫུན་གཏམ་སྨག་རུམ་སྟུག་པོ་འཇོམས་མཛད་པ།།རྣམ་འདྲེན་ཐུབ་པ་མཆོག་སོགས་རྣམ་ འདྲེན་རྣམས།།གཏན་བདེ་མ་རེག་བར་དུ་གཏན་དུ་མཆོད།། མཁྱེན་པའི་མཁའ་ལ་ཐོས་པའི་སྤྲིན་བསགས་ནས།། མདོ་རྒྱུད་ལེགས་བཤད་དབྱངས་ཀྱི་གཡུ་འབྲུག་ལྡིར།། ལོ་རྒྱུས་སྨྲ་བའི་ལྗགས་དམར་གློག་ཞགས་ཆེ།། སྐྱོང་མཛད་མཁས་དབང་མཐའ་དག་ཕྱག་གི་ཡུལ།། བསིལ་ལྡན་ཁམས་སུ་ཆགས་པའི་མུན་པའི་དགྲ།།ཆོས་སྲིད་ཉི་ཟླ་ཟུང་གི་འོད་སྤྲོ་བ།། རྒྱལ་བློན་ལོ་པཎ་མཁས་གྲུབ་ཀླུ་དབང་འབུམ།། གངས་ལྗོངས་མཚོ་ཆེན་རྒྱས་པའི་དཔྱིད་དུ་ཤར།། དེ་ཡི་བྱུང་བ་གཟུགས་བརྙན་གཟིགས་མོ་འབུམ།། ཡོངས་སུ་ཤར་བའི་ཀུ་དགའི་མེ་ལོང་ཞིག། ལོ་རྒྱུས་རིག་པ་སྨྲ་བའི་མཁས་གྲལ་དུ།། སྙེག་འདོད་གཞོན་ནུ་དགའ་བའི་སྐྱེས་སུ་འབུལ།། ཇི་སྐད་དུ། བཀའ་གདམས་གླེགས་བམ་ལས། ཤར་རྡོ་རྗེ་གདན་གྱི་བྱང་ཕྱོགས་ན།། གནས་པུར་རྒྱལ་བོད་ཀྱི་རྒྱལ་ཁམས་ཡོད།། རི་མཐོན་པོ་གནམ་གྱི་ཀ་བ་ཡོད།། མཚོ་དམའ་མོ་གཡུ་ཡི་མཎྡྲལ་ཡོད།། གངས་དཀར་བོ་ཤེལ་གྱི་མཆོད་རྟེན་ཡོད།། སྤང་སེར་བོ་གསེར་གྱི་ས་གཞི་ཡོད།། དྲི་ཞིམ་པོ་སྨན་གྱི་བདུག་སྤོས་ཡོད།། སྟོན་བཀྲ་བ་གསེར་གྱི་མེ་ཏོག་ཡོད།། དབྱར་བཀྲ་བ་གཡུ་ཡི་མེ་ཏོག་ཡོད།། ཀྱེ་གངས་རིའི་མགོན་པོ་སྤྱན་རས་གཟིགས།།གནས་དེ་ན་ཁྱོད་ཀྱི་ཞིང་ཁམས་ཡོད།། ཞིང་དེ་ན་ཁྱོད་ཀྱི་གདུལ་བྱ་ཡོད།།ཅེས་བསྔགས་པའི་པུར་རྒྱལ་བོད་ཅེས་བྱ་བའི་ ཞིང་ཁམས་ཀྱི་ལོ་རྒྱུས་མདོར་བསྡུས་ཏེ་བརྗོད་པར་བྱའོ།། དེ་ཡང་བོད་ཡུལ་འདི་ནི་སངས་རྒྱས་ཤྰཀྱ་ཐུབ་པ་སངས་རྒྱས་པའི་གནས་རྒྱ་གར་རྡོ་ རྗེ་གདན་གྱི་བྱང་ཕྱོགས་སུ་ཡོད་ལ།ལྗོངས་འདིའི་ཕྱིའི་སྣོད་ཀྱི་འཇིག་རྟེན་དང་། ནང་བཅུད་ཀྱི་སེམས་ཅན་གཉིས་ཀ་གནའ་ཆེས་སྔ་མོ་ཞིག་ནས་ཆགས་ཤིང་། མིང་ལའང་འདོད་རྒྱལ་གྱི་མིང་བོད་ཅེས་པ་ཆེས་སྔ་མོ་ཞིག་ནས་འབོད་པ་ཡིན་ཏེ། དེབ་ཐེར་དམར་བོ་གསར་མ་ལས། ལུང་རྣམ་འབྱེད་དང་། དཔལ་དུས་ཀྱི་འཁོར་ལོ་སོགས་སུ་བོད་ཅེས་མང་དུ་བྱུང་བས། བདག་ཅག་གི་སྟོན་པ་ཤྰཀྱ་ཐུབ་པ་འཇིག་རྟེན་དུ་བྱོན་པའི་དུས་ལས་ཡུལ་དང་མི་གཉིས་ ཀ་ཆེས་སྔ་བར་ཆགས་པ་ཞིག་སྣང་།ཞེས་གསུངས་པ་དོན་ལ་གནས་སོ།། ཚུལ་འདི་ལ་ནི་བོད་ཀྱི་ལོ་རྒྱུས་སྨྲ་བའི་མཁས་དབང་ཕལ་མོ་ཆེ་མགྲིན་གཅིག་ཡིན་ ཏེ། ནེལ་བ་པཎྟི་ཏ། སྟག་ཚང་ལོ་ཙྰ་བ། བུ་སྟོན་ཐམས་ཅད་མཁྱེན་པ། འགོས་ལོ་གཞོན་ནུ་དཔལ་སོགས་ཀྱིས།བོད་ཀྱི་ཡུལ་འདི་རྒྱ་གར་དང་འདྲ་བར་ཡུལ་དང་ མི་ལ་སོགས་པ་གནས་པའི་བསྐལ་བ་ནས་བྱུང་བ་བྱས་ན་ཡང་། ལུང་དང་རིགས་པས་གནོད་པ་མེད་ཅེས་གསུངས་སོ།། ཡུལའདིར་རི་ལུང་ཆགས་ནས་མིའི་འགྲོ་བ་མ་ཆགས་པའི་སྔོན་དུ། རི་ལུང་ཐམས་ཅད་ཆུས་བཀང་ནས་ཡོད་པར་བཤད། དེ་རྗེས་ཆུ་འཁྱིལ་སའི་ཡོལ་གོ་རྣམས་ཀྱི་ཁ་ཤོར་ཏེ་ཆུ་རྣམས་རྒྱ་མཚོར་བཞུར་བའི་ ཤུལ་དུ་རིམ་གྱིས་རྩི་ཤིང་ནགས་ཚལ་རྒྱས། དེ་ནས་རིམ་གྱིས་སྲོག་ཆགས་དག་གྲུབ་པ་ཡིན་ཏེ། སྟོད་མངའ་རིས་ཀྱི་ཆ་ནི་གླང་བོ་ཆེ་དང་རི་དྭགས་ཀྱི་ཡུལ། བར་དབུས་གཙང་གི་ཆ་ནི་རི་དྭགས་དང་སྤྲེའུའི་ཡུལ། སྨད་མདོ་ཁམས་ཀྱི་ཆ་ནི་སྤྲེའུ་དང་བྲག་སྲིན་གྱི་ཡུལ་དུ་གྱུར་ཏོ།། དེ་ཡང་སྟོད་གཡའ་རི་དང་བྲག་རི། བར་བྲག་དང་སྤང་ལྗོངས། སྨད་རྩི་ཤིང་དང་ནགས་ཚལ་གྱི་ཡུལ་དུ་གྱུར་ནས་ལོ་ཆེས་མང་བར་མིའི་འགྲོ་བ་མེད་ལ། ཡང་སྟོད་མངའ་རིས་སྐོར་གསུམ་གྱི་ས་འདི་གངས་དང་གཡའི་ར་བ་ཡོད་པའི་རྫིང་དང་འདྲ་ བར་བཤད། བར་དབུས་གཙང་རུ་བཞི་ཡོད་སའི་ས་འདི་བྲག་དང་ཆུ་འཐབ་ས་ཡུར་བ་དང་འདྲ་བར་བཤད། སྨད་མདོ་ཁམས་སྒང་དྲུག་གི་ས་འདི་ནགས་དང་ནའི་ལྗོངས་ཞིང་དང་འདྲ་བར་བཤད་དོ།། ལྗོངས་འདིར་མིའི་འགྲོ་བ་འགྲོ་བ་ཆགས་ཚུལ་ནི། གནའ་ཆེས་སྔ་མོར་ཡུལ་དབུས་གཙང་གི་ཕྱོགས་སྤྲ་དང་སྤྲེའུས་གང་བའི་དུས་ཤིག་ཏུ་ ལྷོ་ཁ་སྣེ་གདོང་གི་ཕྱོགས་ཀྱི་བྲག་མགོན་པོའི་རི་ལ་སྤྲེའུ་བྱང་ཆུབ་སེམས་དཔའ་ དང་བྲག་སྲིན་མོ་འདུས་པ་ལས་སྤྲེལ་ཕྲུག་མང་དུ་འཕེལ་བ་ལས་རིམ་གྱིས་མིར་གྱུར་ པའི་རྒྱུད་ལས་བྱུང་ཞིང་།སྤྲེལ་ཕྲུག་རྣམས་ནགས་ཚལ་དུ་གནས་ཏེ་ཤིང་ཐོག་གི་འཚོ་ བ་བྱས་ནས་བསྡད་པས་མང་དུ་འཕེལ། བར་སྐབས་ཤིག་ནས་གཞུང་གི་ཆུ་རྣམས་བཞུར་བའི་ཤུལ་དུ་སྤང་གཞོངས་རྒྱ་ཆེན་པོ་ བྱུང་། སྤང་གཞོངས་དེ་དག་ཏུ་ནས། སྲན་མ། བྲ་བོ། སོ་བ་རྣམས་དང་། རྒོད་སྐྱེས་ཀྱི་འབྲུ་རིགས་འཁྲུངས་པ་ལ་མ་རྨོས་པའི་ལོ་ཐོག་ཟེར། སྤྲེའུ་རྣམས་རིམ་གྱིས་སྤང་གཞོངས་སུ་འོངས་ནས་རྒོད་སྐྱེས་ཀྱི་འབྲུ་རིགས་རྣམས་ ལ་ལོངས་སྤྱད། རིམ་གྱིས་སྤུ་ཇེ་ཐུང་དང་རྔ་མ་ཡང་ཇེ་ཐུང་དུ་སོང་བ་དང་ཆབས་གཅིག་རིག་པའི་འཆར་ སྒོ་ཡང་ཇེ་ཆེར་གྱུར། སྐབས་ཤིག་ནས་རྔ་མ་མེད་ཅིང་ལུས་ཀྱི་སྤུ་ཡང་བྱི་ནས་མིའི་འགྲོ་བར་གྱུར་ཏེ། དེབ་ཐེར་མཁས་དགའ་ལས། ལོ་ཏོག་ཟོས་པས་དེ་ཀུན་མི་ཉིད་གྱུར།། མ་རྨོས་འབྲུ་ཟ་གོས་སུ་ཤིང་ལོ་གྱོན།། ནགས་ན་རི་དྭགས་ལྟ་བུར་གནས་པ་ཡིན།།ཞེས་གསུངས་སོ།། རྩེད་ཐང་གི་མགོན་པོ་རི་ནི་སྤྲེའུ་དེ་དག་གནས་ཡུལ་གྱི་རི་ནགས་ཚལ་སྟུགཔོ་ཅན་ ཡིན་པ་དང་། རྩེད་ཐང་ཞེས་པའི་ས་ཆ་དེ་ནི་སྤྲེལ་ཕྲུག་རྣམས་ཐང་དུ་བབས་ནས་རྩེད་ས་ཡིན་པའི་ སྟབས་ཀྱིས་རྩེད་ཐང་ཞེས་གྲགས་པ་དང་། ཐང་དེའི་ས་ཞིང་ནི་སྤྲེའུ་རྣམས་ཀྱིས་ས་བོན་བཏབ་སྟེ་འབྲུ་རིགས་འཁྲུངས་སྐབས། ཕན་ཚུན་ཟོ་དང་ཞེས་པའི་མིའི་སྐད་སྨྲ་ཤེས་པར་གྱུར་བས། ཞིང་དེ་ལ་ཟོ་དང་ཞིང་ཟེར་བ་དང་། ཞིང་ལ་སྔ་བ་ཟོ་དང་ཞིང་ཞེས་གྲགས་པ་དང་། དེ་ནས་ཡར་ལུང་ཁོག་ནི་མི་ཡུལ་དུ་གྱུར་སྟབས། ཡུལ་ལ་སྔ་བ་ཡར་ལུང་སོག་ཀ་ཞེས་གྲགས་སོ་ཟེར་རོ།། ཕ་རིགས་རྣམས་འཆར་སྒོ་མྱུར་ཞིང་སྙིང་རྗེ་ཆེ་བ།ཁོག་གྲིམས་པ། མ་རིགས་རྣམས་གདོང་དམར་སྡིག་ལས་ལ་རྔམས་ཤིང་ཞེ་གྱོང་བ། དེ་དག་ལས་རིམ་པར་འཕེལ་བས་བོད་ཡུལ་འདི་མིའི་རྒྱལ་ཁམས་སུ་གྱུར་ཏེ། རུས་ཆེན་བཞི་ལས་གྱེས་པའི་ཁམས་ནི། ཡེ་སང་དཀར་པོ་གནམ་གྱི་འཇུ་ཐག་ཅན་དང་གཅིག ཡེ་སྨོན་ནག་པོ་ཁྲོ་ཆུའི་ཕ་བོང་དང་འདྲ་བ་གཉིས། སྤྱང་ཁྲིག་ཡེ་ཤེས་ལྷའི་སྒྲོན་མེ་དང་གསུམ། མིན་རྫུ་ནག་པོ་ཁྱིའི་རྔ་ལྗང་ཅན་དང་བཞིར་དབྱེ་བ་འབྱུང་ངོ་།། ཞེས་སྔོན་གྱི་དུས་སུ་གྲགས་སོ།། ཡང་རྩ་བའི་རུས་ཆེན་བཞི་ནི། སྡེ་དགེ་རྒྱལ་པོའི་ལོ་རྒྱུས་ལས། བོད་ཆེན་ཡོངས་ཀྱི་འགྲོ་བ་འདི་དག་ཀུན།། སྒ་འབྲུ་སྦྲ་གདོང་བཞི་ལས་ཆད་མོད་ཀྱང་།། ཞེས་སྒ། འབྲུ།སྦྲ། གདོང་བཞི་དྲངས་འདུག རྒྱ་བོད་ཡིག་ཚང་མཁས་པ་དགའ་བྱེད་ལས། ནང་གི་རིགས་བཞི་ནི། སྟོང་དང་། ལྡོང་དང་། སྭེ་དང་། རྨུ་རྣམས་ཏེ་འདི་བཞི་ལས་བོད་མི་ཕལ་ཆེ་བ་གྱེས་པར་བཤད་པས་འདི་རྣམས་རུས་ཀྱི་ ཕྱི་མའོ།། ཞེས་འདུག ཡང་དེ་ལས། བོད་ཀྱི་རུས་མིའུ་གདུང་དྲུག་ལ། དབྲ། འབྲུ། ལྡོང་། ལྒ། ནུ་བོ། དབས་བརྡ་དང་དྲུག་དྲངས་ཡོད། སྡེ་སྲིད་བེེ་ལས། དགའ་དང་། ལྡོང་། དབྲ། འབྲུ་དང་དྲུག་དྲངས་འདུག དེབ་ཐེར་མཁས་པའི་དགའ་སྟོན་ལས། བོད་ཀྱི་མི་བུ་རིགས་བཞི་ཞེས། བསྭེ་དང་། རྨུ་དང་ལྡོང་། སྟོང་གི་རིགས་བཞི་བྱུང་བར་གྲག་ཅིང་། ཡང་དབྲ་དང་འབྲུ་བསྣན་ནས་མི་བུ་རིགས་དྲུག་ཏུའང་གྲགས་སོ་ཞེས་གསུངས་འདུག འདི་དག་ལ་ཡི་གེ་འབྲི་ལུགས་མི་མཐུན་པ་བྱུང་བ་ནི། སྔར་བོད་རང་གི་ཡི་གེ་འབྲི་བའི་སྲོལ་མ་དར་གོང་དུ་ངག་ཐོག་ནས་སྒྲ་ཙམ་བརྗོད་པ་ དེ། ཕྱིས་སུ་བོད་ཡིག་འབྲི་སྲོལ་དར་བའི་སྐབས་སྒྲ་དེ་ཉིད་ཡིག་ཐོག་ཏུ་ཕབ་ལུགས་མི་ འདྲ་བར་གྱུར་པ་ཡིན་ཏེ། དཔེར་ན། སྒ་ལ་དགའ་དང་། ས་སྒ་གཉིས་ཀ་འབྱུང་བ་དང་། སྦྲ་ལ་ད་དབྲ་དང་ས་སྦྲ་གཉིས་ཀ་འབྱུང་བ་དང་། ལྡོང་ལ་ག་གདོང་དང་ལ་ལྡོང་གཉིས་ཀ་འབྱུང་བ་ལྟ་བུ་མང་སྟེ། གླིང་གེ་སར་གྱི་སྒྲུང་དུ་སྨུག་པོ་གདོང་གི་མི་རྒྱུད་ཅེས་བྲིད་པ་མང་ལ། མིའུ་གདུང་དྲུག་རུས་མཛོད་ནང་དུ་སྨུག་པོ་ལྡོང་གི་རྒྱུད་པ་ཞེས་བྲིས་པ་ལྟ་ བུའོ།། རུས་ཆེན་བཞི་འདྲེན་ཚེ།སྟོང་དང་སྒ་གཉིས་གཅིག་ཏུ་བྱས་ཏེ་སྒ་ཞེས་འདྲེན་པ་དང་། སྭེ་དང་སྦྲ་གཉིས་ཀྱང་གཅིག་པར་གསུངས་པས་སྦྲ་ཞེས་གཅིག་ཏུ་འདྲེན་པ་ཡིན། དེ་ལྟར་བྱས་ཚེ།རུས་ཆེན་་བཞི་ནི། སྒ་འབྲུ་སྦྲ་གདོང་བཞིའམ། སྒ་འབྲུ་སྦྲ་ལྡོང་བཞི་ཞེས་འདྲེན་པ་ཡིན་སྣང་། མདོ་ཁམས་སྟོད་སྨད་དུ་སྒ་འབྲུའི་རིགས་མང་ལ། སྦྲ་རིགས་ཀྱང་རྒྱལ་མོ་ཚ་བ་རོང་གི་མི་བུ་དང་། ལྡོང་རིགས་ཀྱང་གླིང་གེ་སར་གྱི་མི་རྒྱུད་ད་ལྟ་ཡོད་པ་དང་མདོ་སྟོད་སྨད་ཀུན་ཏུ་ ཡོད་དེ། རུས་མཛོད་ལས།། འགག་དག་མོ་གསུམ་པོ་སྦྲ་ཡིས་བཟུང་།། སྦྲ་དཔའ་རྩལ་ཆེ་བ་དེ་དོན་ཡིན།། ཞེས་དང་། རི་མཐོན་པོ་གསུམ་པོ་གདོང་གིས་བཟུང་།།གདོང་ཞྭ་མཐོ་དེ་དོན་ཡིན།། ཞེས་ཟེར་བ་ལྟ་བུ་ཡིན་ལ། མདོ་ཁམས་ཀྱི་ལོ་རྒྱུས་སྐབས་སུ་འབྲིའོ།། བོད་ཀྱི་མིའི་རིགས་ཀྱི་བྱུང་ཚུལ་སོགས་ནི། སྲོང་བཙན་སྒམ་པོའི་སྔོན་གྱི་བཤད་རྒྱུན་དག་པ་རྣམས་ཡི་གེར་བཀོད་དེ་ཆུད་མི་ཟ་ བའི་ཕྱིར་གཏེར་དུ་སྦས་པ་བཀའ་ཆེམས་བཀའ་འཁོལ་མ་དང་། མ་ཎི་བཀའ་འབུམ་སོགས་ཇི་སྙེད་ཅིག་ཡོད་པ་རྣམས། ཡི་གེ་རྒྱུན་འབྱམས་དང་དྲུང་ཡིག་སོགས་ཀྱིས་བྲིས་བཤུས་སྣ་ཚོགས་ཀྱིས་དབང་གིས་ འདྲ་མིན་འགའ་རེ་མཆིས་མོད། དོན་གྱིས་དགོངས་པའི་ཁོག་གཅིག་ཡིན་སྟབས། སྦྲེའུ་དང་བྲག་སྲིན་མོ་ལྷན་གཅིག་ཏུ་འདུས་པའི་ཕྲུ་གུ་གདོང་དམར་ཤ་ཟན་གྱི་ རིགས་སུ་བཤད་པ་ནི། ཡབ་མེས་དག་གི་བཤད་རྒྱུན་ཡང་དག་པ་རེད་དོ།། དེས་ན་སྦྲེའུ་མིར་གྱུར་ཏེ་མིའི་འགྲོ་བ་ཆགས་པ་ནི་སྔ་ལ། ལྷ་ལས་ཕུལ་བྱུང་གི་བསྟོད་པའི་འགྲེལ་བ་ཤེས་རབ་གོ་ཆས་མཛད་པ་ལས་གསུངས་པ་ལྟར། རྩོད་ལྡན་ཐོག་མའི་སྐབས།སྐྱ་སེང་བུ་སྔའི་དམག་འཁྲུག་བྱུང་ནས། གཡུལ་བཀྱེས་པའི་ཚེ་རུ་པ་ཏི་བྱ་བའི་རྒྱལ་པོ་གཡུལ་ལས་ཕམ་ནས་དཔུང་ཚོགས་གཅིག་ དང་བཅས་བུད་མེད་ཀྱི་ཆ་ལུགས་སུ་བྱས་ཏེ་བྲོས་ནས། རི་ཁ་བ་ཅན་གྱི་ཁྲོད་དུ་ཞུགས་ཏེ་གནས་པའི་རིགས་ལ་བོད་ཅེས་གྲགས་པ་ཡིན་གསུངས་པ་ ལྟར། གཉུག་མར་གནས་པའི་སྦྲེལ་རིགས་ཀྱི་མིའི་སྟེང་དུ་དེ་དག་ལས་འཕེལ་བའི་རིགས་ཀྱང་ ཡོད་དེ། རྡོག་རབས་གསལ་བའི་མེ་ལོང་ལས། བོད་ཀྱི་གཏམ་རྒྱུད་དག་ལས་སྤྲེའུ་དང་བྲག་སྲིན་མོ་ལས་འཕེལ་བ་དག་ནི་ཟུར་དུ་ ཤེས་ལ། རྡོག་འདི་ནི་རྒྱ་གར་ལས་མཆེད་པ་ཡིན་ཏེ། དེ་ཡང་རྩོད་དུས་སྟེང་ནས་རིང་ཞིག་ལོན་པ་ན། རྒྱ་གར་དུ་རྒྱལ་པོ་ཡུལ་འཁོར་སྐྱོང་གི་སྲས་གཡུལ་ངོར་བརྟན་པ་ཞེས་སམ། དགྲ་ངན་ཞེས་ཀྱང་བྱ་བ་དཔུང་ཚོགས་བཅུ་གཉིས་སམ། ལྷ་ལས་ཕུལ་བྱུང་གི་བསྟོད་པའི་འགྲེལ་བར་དཔུང་ཚོགས་བཅོ་བརྒྱད་ཟེར་བ། རྒྱལ་པོ་སྐྱ་སེང་གི་བུ་ལྔ།ཚ་བོ་དང་དྲུག ཁྱབ་འཇུག་དང་བདུད་གྱིས་བཅོམ་ནས། དགྲ་ངན་གུམ་པའི་ཚེ་དགྲ་ངན་གྱི་ཆབ་སྲིད་ཉམས། སྐྱ་སེང་གི་བུ་མངའ་རིས་སུ་ཡོད་པ་ལ། རྒྱལ་པོ་རུ་པ་ཏི་ཞེས་བྱ་བ་དང་། བློན་པོ་རྡོག་གི་མགོ་བྱས། མི་སྟོང་ཕྲག་གཅིག་བུད་མེད་ཀྱིས་ཆས་སུ་ཞུགས་ནས། རི་གངས་ཅན་གྱི་གསེབ་ཏུ་བྲོས་པ་ལས་འཕེལ་ལོ།། རྡོག་གི་བརྒྱུད་པ་འདི་མདོ་ཁམས་ཤར་ཙོང་ཁའི་ཡུལ་དང་ཉེ་བ་ན།རྡོག་གི་སྡེ་ཆེ་བ་ ཆགས་སོ། ཞེས་གསུངས་པ་ལྟར། སྐྱ་སེང་གི་ཕྱིས་ཀྱི་བུ་རྒྱུད་ཅིག་ཡིན་པར་སྣང་། མི་རྒྱུད་དེ་ནི་ཕྱིས་སུ་བྱུང་བར་གསལ་ལ། རྡོག་གི་མི་རྒྱུད་འདི་ནི་མདོ་སྨད་ཀྱི་རྔ་བ་དང་དམུ་དགེ་སོགས་སུའང་ཡོད། འོན་ཀྱང་རྡོག་གི་ཡི་གེ་དབུ་ཅན་འབྲི་ཚེ་ད་དང་ང་གཉིས་ནོར་ནས། རྡོག་ཉི་མ་སེང་གེས་མཛད་པའི་གཟེ་མ་ར་མགོ་ལ་རྔོག་གི་གཟེ་མ་ར་མགོ་དང་། རྡོག་ཨར་ཡ་དེ་བ་ལ་རྔོག་ཨར་ཡ་དེ་བ་ཞེས་བྲིས་པ་དང་།འདོན་པ་མང་ལ་དེ་བཞིན་དུ་ དབུ་ཅན་གྱི་ང་དང་ད་ནོར་བ་མང་སྟེ། དཔེར་ན། བརྡ་རྙིང་གི་ཤི་དགེ་འདད་བཏང་ཞེས་པ་ཡི་གེ་མ་དག་པའི་རྗེས་སུ་འབྲངས་ནས། དེང་སང་འདང་བཏང་ཞེས་འབྲི་མཁན་ཡོད་པ་ལྟ་བུའོ།། དེར་མ་ཟད་དེ་ལས་གཞན་པའི་མི་རིགས་ལས་ཆད་པའི་རིགས་ཀྱང་ཡོད་ངེས་སོ།། དེ་ལྟར་སྦྲེལ་རྒྱུད་ལས་བྱུང་བའི་མི་དག་ཐོག་མར་ཤིང་ཐོག་དང་རྒོད་སྐྱེས་འབྲུ་ རིགས་དང་རྔོན་བྱེད་པ་སོགས་ཀྱིས་འཚོ་ཞིང་རིམ་གྱིས་ཞིང་འབྲོག་གི་ལས་ཀྱང་དར་ ནས་སྡེ་ཤོག་ལམ་ལུགས་སོགས་དར་ཞིང་། ཕྱི་ནས་འོངས་པའི་ཆོས་ལུགས་འགའ་རེའང་བྱུང་བ་འདྲ་ཞིང་དར་ཁྱབ་མ་བྱུང་བར་མངོན། འོན་ཀྱང་། ལྷ་མཆོད་འདྲེ་མཆོད་བྱེད་མཁན་དག་ནི་བོན་ཞེས་འབོད་པར་སྣང་སྟེ། དཔེར་ན། དེང་དུས་སུའང་གཏོ་ཆོག་མདོས་ཆོག་བྱེད་པ་ལ་བོན་བྱེད་ཅེས་གཞུང་དུ་མར་གསུངས་ འདུག་པ་བཞིན་ནོ།།

རྩོམ་སྒྲིག་པ།  ཕུན་ཚོགས།  སྤེལ་དུས།  2013-10-15 བལྟ་ཀློག (96)
དྲ་ངོས་བལྟ་ཀློག་གྲངས་ཀ
201107
 
འབྲེལ་གཏུག་བྱ་ཡུལ།   ཁ་པར།  0837-2495330 13548388131 QQ:136754599    Emial:pengcuo2001@yahoo.com.cn 136754599@QQ.com
འདི་གའི་པར་དབང་ངེད་ལོ་རྟ་ལྟེ་གནས་སློབ་ཆུང་དྲ་བ་ལས་གཞན་ལ་མེད།
网站备案号:蜀ICP备13018962号